Pentsamendu likido bat

hotz eta pasakorra

zaharra oso zaharra

ibai gorriren bat arindu nahietan,

unibertso bat berez, nahiz ttipia

animalia bat berez, nahiz ikaragarria,

miresgarria,

ximuen artean berezia,

hobekitzearren bideetan

bide garratzetan

eztia egin behar orri estekatuak

bai, egia!

lur bat promestu zigutela

suzko kantuetan/dantzetan

maitasunezko gauak ugari,

galdegin eten gabe/galdegin

mugak hautsi nahietan

kristal guztiak hautsi nahietan

alperrik, agian...!

hosto tinko baten gisa

zurrunba zaharrean

gauero xurgatzen dugun musikan

ilargiaren euri isilpean

txalupa iheskorretan

imajinatzen ditugun bezala

edertasun paregabean

planeta xoro baten dantzetan

berez gureak diren hoien defentsan

lehertuko balute agian......................

Ezinezkoa litzateke

Bonbatik-Bumbara

Mexikotik-Limara

Benarestik-Pekinera

Paristik-Bilbora

Melburnetik-Hawaira,

doazen bideetan ibiltzea.

Ilargiak ere nigar egingo luke.