Krokodil bat daukat bihotzaren ordez
Krokodil bat daukat bihotzaren ordez
1986, poesia
112 orrialde
84-398-6304-7
Itxaro Borda
1959, Baiona
 
2021, nobela
2012, nobela
2009, nobela
2007, nobela
2005, nobela
2001, nobela
2000, poesia
1998, poesia
1996, nobela
1996, nobela
1994, nobela
1991, poesia
1984, nobela
Krokodil bat daukat bihotzaren ordez
1986, poesia
112 orrialde
84-398-6304-7
aurkibidea
 

 

VII

 

baditut zuretzat gordeak

bihotz hautsiaren zokoan

irrien negarren sorteak

mila bat hordago jokoan:

etzaitez joan oraindik...

 

baditut zuretako hemen

abendoko euri uharrak,

haize hegoak duen kemen

hura ebasteko bularrak:

etzaitez joan oraindik...

 

baditut zuretzat lurrean

atzeman artoen bizarrak,

eta gauaren beldurrean

kliskan ari diren izarrak:

etzaitez joan oraindik...

 

baditut zuretzat emanak

solas zintzoetan urratsak,

ibai gardenetan edanak

maitasunak utzi ur hatsak:

etzaitez joan oraindik...

 

baditut zuretzat bilduak

mendietan ardi hezurrak,

herri baldar isilduak

dituen egien gezurrak:

etzaitez joan oraindik...

 

ez duzu sufritu nahi hor

uztailak hitzeman kaldetan,

halatan zaude muturik gor

nere bi negarren maldetan:

etzaitez joan oraindik...

 

eta nik ez dakit nolatan

behar dudan zurekin joan,

dudarik gabe holatan

betiko huts hori gogoan...