BUELTAKA

Argiaren ilusioak bultzaturik

irten gara kalera arropa gutxirekin

etxeko leiho guztiak zabalik utzita.

Ezezagunarekiko konfiantza gaindosiak

lurreratu gaitu hemen, itzaletan

hazten diren goroldio eta liken artean, hotz.

Argi zuriak engainaturik itzuli gara beste behin

gurea ez den gotorleku batera, sitsak nola,

ilargia bertan gordetzen delakoan.