Bulkada
Bulkada
2010, poesia
120 orrialde
978-84-92468-25-6
azala: Oihana Leunda
Jon Benito
1981, Zarautz
 
2001, poesia
 

 

JOURNAL

 

 

2007ko otsailaren 3a. Logura, hotza, negua.

Te beroa galletekin. Lasaitasuna.

(Calmness esaten da.)

 

Autoaren alarma. Berogailua piztu.

Katu bat lorategiko etxolako teilatuan.

Gosaritako ontziena egin. Supermerkatutik

ekarri beharrekoen zerrenda: fruta, arroza, pasta,

sobreko zopak, bizitzeko premiazko gauzak.

Jende berotasun apur bat erosi ahal balitz.

(Cordialness esaten da.)

 

Hotzari aurre egiteko dutxa beroa.

Elurretarako zapatak. Espaloi gatzatua.

Autobus geltokian egonaldia.

Newspapera eta Montoiaren liburua.

Ezagutzen ez duen jendearen aurpegiak.

(Homesickness esaten zaie.)

 

Itzulera metroan. Afaltzekoak egin,

hortzak garbitu, biharko asmoak antolatu:

museoa, alokairua, etxera telefono deia.

Begiak errenditu arte irakurri.

Nekea, asperdura, amorrua, mazedonia batean.

(Hodge-podge esaten dute.)