Bitsa eskuetan
Bitsa eskuetan
2010, poesia
96 orrialde
978-84-92468-23-2
azala: Arrate Rodriguez
Miren Agur Meabe
1962, Lekeitio
 
2020, poesia
2019, narrazioak
2013, nobela
2000, poesia
 

 

GERANIOAREN  MINIPOETIKA

 

Jarraitzen dut sukaldean idazten

makarroiak edo hitzak egosi bitartean.

 

Beste etxe batean. Geranio bat leihoan.

Zurtoinak esku bat dirudi, zerbaiten eske.

 

Gertaerak paper-mozkin bihurtu zaizkit.

Tentuz sailkatzen ditut, urrun galdurik begirada.

 

Baina zer esango dizut minaz? Zuk zer diozu?

Minaren amuak tenk egiten dit samatik.

 

Trantze horretan aitortzen dizut dena:

magalmina eta argidura eta bitsaren loreak.

 

Mezuei gantza kentzen dihardut labanaz,

alfer-kinkallatik libratu nahiz ahotsa.

 

Badut erritmoaren sena, xehetasunekiko joera,

irudietarako gustua, emozioaz gogoetatzeko xedea.

 

Zer diostazu, oro har, emaitzaz? Esadazu

benetako bizitza aski den benetako poesia egiteko.