Deserriko karrikak
Deserriko karrikak
2002, poesia
88 orrialde
84-95511-54-1
azala: Garbińe Ubeda
Mikel Ibarguren
1967, Zestoa
 
2011, poesia
1996, poesia
 

 

UTZIDAZU

 

Utzidazu eztarri itxi hori artatzen,

esku zartatuak miazkatzen,

zure beldurra bezatzen.

 

Laburra dugu eguna;

odolaren zorra dakar odolak

huntzik hazten ez den bailara honetan.

 

Utzidazu izerdi hotz hori xukatzen,

ezpainen umela hozkatzen,

debeku eder honen soinekoa eranzten.

 

Laburra dugu eguna;

zatoz lehenbailehen

gauari betarik eman ez diezaiogun.