Lur bat zure minari
Lur bat zure minari
1995, poesia
68 orrialde
84-86766-58-3
azala: Nicolas de Staël
Jose Luis Otamendi
1959, Azpeitia
 
2022, poesia
2019, poesia
2014, poesia
2007, poesia
2000, poesia
1999, narrazioak
1990, poesia
1987, poesia
 

 

Lurra kendu

 

Nire maitetasuna menia bada zurea ultimatuma

Ez daukagula akordua baino arma azkarragorik

Eta zahartzen ari garela diot lagunari

Nahi baino hildako gehiago nahi adina hilda ez

 

Nire maitetasunak ezin du inperioen kontra eta zure bihotzean paldotu

Gure ondorengoek ezagutuko ez duten bakeari idazten dizkiot poemak

Zure bihotzari hutsegiten ez diodan artean haizeak ez nau botako

Galarazia duzu ordea nire gelan sartzea

Emango nizuke gorputz hau baina atzerrira fakturatu dut zorrak kitatzeko

 

Gerra zibilak ez dira deklaratzen

Egunerokora ekartzen dira

Gero, hamar urte barru, tokiz aldatutako itsaso batez jabetzen zara

Eta galdu egin duzula bizi zinen lurra

 

Hildakoak piztearen onurak ez daude indarrean

Segizioak gizentzeko premian dira

Baina bakarreko armadak baino ez gara

Eta arrotz niri zure arima

Zulogileari deituko diot begizulook lurrez berdintzeko

Nonbaiten tinkatu beharko dira gurutzeak gero

Eta elkar adiskidetzeak eztabaidatu

Nork ipiniko dio izen eder bana hilarri bakoitzari

 

Asko dira itoen gorazarrez tatuatutako bularraldeak

Eta ugerrak jandako aiztoak dira nire galderak

Nor biziko da eldarnio sukoia jabaldu ostean

Nork zarratuko du hilotzen euskaltegi hau

Mezulari saldoak pasatzen dira lerro batetik bestera

Maitasunaren aterpe balakatuan

Eta ez dugu inork traiziorik aipatu nahi

 

Maita zaitzakedan gerra bat bakea niretzat