zazpigarren erupzioa hasi aurretik

elur-orein batekin egin genuen amets

zeru urratuen eta kiskalitako etxeen artean

guregana hurbiltzen zen pixkanaka

urrats ikarati bat eta gero beste bat

bere sabel irekitik isurtzen zen argiak

labaren gainean txilarrezko arrasto bat

utzi zuen haran distiratsu bat

etortzear zen biziarentzat

begietara begiratu genionean

esan ezin den ulertu ezin den

guztia ikusi genuen

horregatik belaunikatu ginen bere inguruan

eta animaliaren azken arnasa

gure ahoan desegin zen

elurrezkoa izanen balitz bezala

labak gorpua estali zuenean

bere erraietatik edaten ari ginen