Poesia kaiera
Poesia kaiera
2001, poesia
64 orrialde
84-95511-24-X
Joxe Austin Arrieta
1949, Donostia
 
 

Non ote beti bila nabilen

ahazmenaren ametsaz harantzagoko

hizkuntza hori,

                    ez basamortuko eguzki-galdatan oasis

                    ez erromesaldi noragabetan manazko elikagai

                    ez inolako salbamen betierekoren argi ikustezin

                    ez inondiko harkaitz finkoren aieru sorgarri

            baina bai

                              arrastiri neketsuen hondarretan

                              —zergatik ez? zein jainkok eragotzita?—

            nire bihotzera

                      tuareg urdinen denda-atarietako

                                                                    berbaro barea

                      lekarkeena

                                                          hitz-aspertuen gozoa

                        ipuin-jarioaren lerdena

                                              doi-doi eguzkia ezkutatzean

                                                    hasperen irrifartsu batez

                                                                            ...etena?

 

w1995