Poesia kaiera
Poesia kaiera
2000, poesia
64 orrialde
84-95511-19-3
Rikardo Arregi
1958, Gasteiz
 
 

Itoginak

 

Teilatu azpian izkutatzen diren malenkonia urduriak

kalera erortzen dira espaloiak bustiz,

esmaltezko zauri txikiek azala

beldurtzenago dute, aprendizaiaren legeek

dena iragarri bazuten ere.

Hain da handia tanta bakar bati darion malkoa,

hain ezberdin etsipenak.

Ez du deus laguntzen orain Ariadnaren hariak,

atsedena etorriko den esperantzan

nork sinets dezake labirintotan dardarka.

Baina lasai,

kafea prestatuko dizut orain,

lasai, lau ordu barru

gauak argituko gaitu.

 

w1993