Poesia kaiera
Poesia kaiera
2000, poesia
64 orrialde
84-95511-19-3
Rikardo Arregi
1958, Gasteiz
 
 

Unter der Linden

 

Unter der Linden igarotzean

zereginetara edo plazerretara, itzalduriko izkinetan

hausten dira uda beroenen etsipenak,

desegiten zeruak jaurtikitzen dituen ameskaiztoak.

Noren arima izkutatzen da ezki ilunen azpian?

Noren odol gorrik berdeturik

ematen die harlauzei sosegua?

Segitzen gintuen itzalak ezkien itzaletatik sortua

dirudi orain.

                  Eta zilarrak

mintzen du udako gauetan.

 

Mila begietako animalien artean ahanzten dira,

agur ezkiak, ezki eztiak, ilunabarrak oro.

Txakur zibilizatuek haien jabeak paseiatzen dituzte

oi ene iaz ikusi nuen bai

izarlokak irribarretsu agurtzen ditu automobilak

arratsalde on arratsalde on arratsalde on.

 

Unter der Linden Unter der Linden

Amoranteak ezki adar bat utzi zuen maitearen gelan

eta usainak izara bailitzan zelula guztiak

ukitu zituen ametsak goratuz.

Azkenean ezkien itzalpean lo gozoak hartuko gaitu

esnatzean liluraturik betiko mundu berria kausitzeko.

 

w1993