Poesia kaiera
Poesia kaiera
2000, poesia
64 orrialde
84-95511-18-5
Patziku Perurena
1959, Goizueta
 
 

Hire ahotsa sumatzen dinat

 

Hire urratsak sumatzen dizkinat

isilik doazen laino izu haietan

Hire eskuak sumatzen dizkinat

eguzkiak onduriko harri haien gainean

Hire zalantza sumatzen dinat

haizearen badaezpadako ibilera hartan.

 

Luzeak ditun oroimenik gabeko gauak

Zorrotzak, haurtzaroa ebaki zuten guraizeak

 

Hire begiak sumatzen dizkinat

munduaren konfineko sutegi haietan

Hire ahotsa sumatzen dinat

urrutiko erreka ilun haietan

Hagitzez ederragoak hitunan ur birjin haiek

inolako arrazoirik gabe mintzo zirenean.

 

w 1987