Nere gorputzaren azalean

haizea eta euria

nere gorputzaren barruraino

barruan

haizearen daldara

euriaren bustia

nere gorputzeko azal inguruetan

haizeak derabil euria zaflan

eta dakarzkit

behereko lantegietatik

burrukalarien solas soinuak

Euskadiren historia momentu honen

erakinaldi daldarak

nere gorputzaren barruraino

barruan

odola, odola, odola, odola

Euskadiren historia momentu honen

odol erakinaldia

haizearen daldaran

euriaren bustian

Euskadiren historia momentu hontan

odola, odola, odola, odola

erakinaldi daldarak

behereko lantegietatik

behereko lantegietan

askatasuna mehazten

ari diren burrukalarien

mailu kolpeak, kolpeak, kolpeak

askatasuna xorroxten

ari diren langileen mailu kolpeak

odolaren erakinaldian

Euskadiren askatasuna historiaren formaz

eta moldeaz eta historiaren neurriaz

Euskadi lortua, Euskadi hezgaitza, Euskadi lortua

Euskadi gurea

Euskadi, Euskadi, Euskadi

askatasunaren mailu kolpeetan

jalgi hadi historiaren plazara

langileriaren izerdiaz, botereaz, langileriaren

neurriko Euskadi gurea, gurea, gurea

behereko lantegietako askatasunaren Euskadi

langileriak gau eta egun luzeetako burruketan

mehaztua, xorroxtua

jalgi hadi historiaren dantzara

mailu kolpeak, kolpeak, kolpeak

behereko lantegietan euskal langilearen odol erakinaldia

nere gorputz barruan

Euskadi langilearen askatasun erakinaldia

nere gorputz barruan odolaren erakinaldia

Euskadi hezgaitza, Euskadi lortua, Euskadi langilea

gurea, gurea, gurea, gurea

jalgi hadi historiaren mundura. ..

Nere gorputzaren barruraino

haizearen daldarak

eta euriaren bustiak

dakarzkit

historia momentu hontako

gure lantegietako

mailu kolpeak, kolpeak..., kolpeetan

mehaztu Euskadi berria

gurea, gurea, gurea, gurea

Euskadi askatua

Euskadi langilea

historia berri baten

Euskadi gurea...