GEURE GREBA MUGAGABEA

         (Brechten erara)

Geure greba mugagabea:

etenaldia da banketerako giltza.

Zentzuzkoa da,

edonork uler dezake.

Erraza da.

Nagusia ez bazara

ulertuko duzu.

Zuretzat ona da,

bilatu argibide gehiago.

Ergelek ergelkeria deitzen dute,

zikinek zikinkeria deitzen dute.

Zikinkeriaren eta ergelkeriaren kontra dago.

Zapaltzaileek krimena dela diote.

Guk badakigu krimen guztien amaiera dela.

Geure greba mugagabea:

etenaldia da banketerako giltza.

Ez da zorakeria,

zorakeria guztien amaiera da.

Ez da kaosa,

ordena delako.

Egiten hain zaila den

zera erraz bat da.

Geure greba mugagabea:

itsas hilerrian posidonia,

tresnetan swinga,

gosarian laranja bat

eta ekialdean Gaiarre.