LABARRAK

Elebakarra da gure ahanzturaren mintzoa,

alferrik bilatuko duzue hiztegietan.

Uhinek ez dakarte zure erbestearen berri.

Denbora azkentzen den mugaraino helduko naiz,

oinetakoak erantzi eta zure oinatzak galtzen diren

itsaslabarrak miatuko ditut. Aurkituko zaitut.

Uhinek ez dakarte zure erbestearen berri.

Nire oin bustiak zure oroiminean ibilitakoan

neure gain hartuko dut amodioa.