Honetara ezkero
Honetara ezkero
2017, ipuinak
136 orrialde
978-84-17051-07-5
Azaleko irudia: Lander Garro
Arantxa Iturbe
1964, Alegia
 
2020, antzerkia
 
Honetara ezkero
Arantxa Iturbe, 2017

Esan gabekoek, isilik gordetakoek, erdizka adierazitakoek ere moldatzen gaituzte.

      “Ez dago dena kontatu beharrik”, esan ohi da, eta halaxe jokatzen dugu. “Hiztuna da pentsamendua”, ikasi genuen, baina ezinezkoa da berbetara ekartzea burura etortzen zaigun guztia; “ezta komeni ere!”, aholkatuko dizute.

      Arantxa Iturberen ipuin maleziatsu hauetan ere ustekabeko asko izango dira, pertsonaiak eta gertakariak katramilatzen ikusiko dituzu isilpekoen kariaz, oker ulertuak bezainbat ager litezke susmoak. Umorezkoak batzuetan, gaiztoak sarritan.

      Inkomunikazioak irteerarik gabeko kalezulo batera eraman ditzake jende arteko harremanak, ez aurrera ez atzera, krisiak bueltarik ia ez daukan tokira. Eta honetara ezkero, beharbada ez da inoren laguntzarik izango estualditik irteteko.

      Denoi suertatu zaigu, noiz edo noiz, ernegaturik galdetzea: “Zer, ez al duzu ezer esan behar?”.

bideoak:
Artefaktua (2018-03-03)
Hitzen Uberan (2017-11-29)
Hitzen Uberan (2017-11-29)
Hitzen Uberan (2017-11-29)
kritikak:
Isiltasun atmosfera, Peru Iparragirre, Berria, 2017-12-24
«Irakurtzeko gozagarria da Honetara ezkero, darion gaiztakeriagatik, besteak beste. Besteengan ikusten ditugun akats eta inkoherentziek poztu gaitzaketen bezala dibertitzen du batzuetan liburuak, umore hutsez besteetan».
Isiltzeaz, Javier Rojo, El Diario Vasco, 2017-12-30
«Idazleak teknikaren aldetik erabiltzen duen baliabide garrantzitsuena elipsia da, teknikan ere isiltasunaren ideia aplikatuta. Gandu batek inguratzen ditu istorioak eta zirriborro horien artean irakurleak irudiak osatzen saiatu behar du».
Egiak, Iratxe Esparza, Gara, 2018-01-13
«Galdera latzei ez die Iturbek erantzungo, aitzitik kezka eta urduritasunaren arteko sentimendua ezarriko du irakurlearengan. Hasieran eratzen den gatazka amaitutzat ematen denean, pertsonaiek aurrera egin behar dute, honetara ezkero merezi ez duelako zoritxarrean murgiltzea».
Angelu itsuak, Iratxe Retolaza, Argia, 2018-03-11
«Hainbat narraziotan teknika narratibo ere bilakatu du ispilu hautsien irudia, kode hautsiak gorpuztu baititu maiz (elkarrizketetan, osagai narratiboen segidan, jauzietan?), eta piezak josteko gonbidapena egiten digu».