Azken afaria
Azken afaria
2013, nobela
240 orrialde
978-84-92468-49-2
azala: Lander Garro
Xabier Montoia
1955, Gasteiz
 
2021, narrazioak
2017, nobela
2004, nobela
2004, nobela
2000, poesia
1999, nobela
1998, kronika
1997, narrazioak
1992, ipuinak
1991, nobela
1988, poesia
1985, poesia
1983, poesia
Azken afaria
2013, nobela
240 orrialde
978-84-92468-49-2
aurkibidea
 
Azken afaria
Xabier Montoia, 2013

XXI. mendearen hastapenean Bilboko txoko batean bazkaltzeko bildu dira lau gizonezko, gaztetan elkarrekin ikasten ibili izandakoak Deustuko Unibertsitatean. Atzera begiratu eta harritu egiten dira, gazte izandako haiek zer bihurtu diren ikusirik. Oraindik ez dakite, ordea, etortzeko dagoela aldaketa errotikoa. Gertakizun batek dena nahasiko du lau adiskideen artean; jarreraz eta are ideologiaz ere aldaraziko ditu, eta ordura arte pentsaezina zena egitera bultzatuko.

      Muturrekoa da Xabier Montoiaren zazpigarren nobelako protagonisten bidaia, bazkari alai batekin abiatu eta, gau sakon batean barrena igaro ondoren, azken afarira daramatzana.

bideoak:
Sautrela (2013-12-07)
Don Inorrez (2013-11-29)
kritikak:
Azukrerik gabeko 'errelatoa', Hasier Rekondo, Berria, 2013-12-22
«Eleberri “garden” baten aurrean gaude: egun urrun dirudien XXI. mende hasierako Euskal Herriaren gaineko erradiografia sozio-politiko lazgarria, azukrerik gabekoa, ondu du egileak larregizko artifizio literariorik gabe, kronika-kazetaritzaren osagaiak erabilita zenbaitzuetan».
Gainbeheran, Ibon Egaņa, Deia, 2014-01-18
«Nobela gorabeheratsua, beraz, Montoiaren berriena. Hasieratik interesa pizten duena, istorio interesgarri eta beharrezkoa kontatzen duena, baina konta-moldeekin beti asmatzen ez duena».
Azken afaria, Jon Iraola, Obabako Testiguak, 2014-01-24
«Aukeratu duen hizkeragatik, elkarrizketen freskotasun eta zorroztasunagatik, istorioaren gertutasunagatik eta, nola ez, espiritu punky-agatik, Azken afaria aspaldi honetan irakurri dudan nobelarik borobilena iruditu zait».
Borroka galduetatik gatoz, Iraitz Urkulo, Berton, 2014-01-26
«Egitura zirkularrak, estilo aldetik hasierako atalarekiko konparaketa bultzatzeaz gain, protagonistek maila pertsonal zein ideologikoan jasandako aldaketa garrantzitsuez jabetzea errazten digu».
Errugaberik ez, Javier Rojo, El Correo, 2014-02-15
«Istorio eskematikoa, topikoa askotan, garaiko kontuei lotuegi zegoen istorio hori, gaindituta agertzen zaigu familia deuseztatzen duen giza tragediaren aurrean, Felix izeneko pertsonaiaren paranoiak-eta azalduz».
Afaria ez dadin saman trabatu, Txerra Rodriguez, Aikor!, 2014-03-00
«Kale borrokaren aurrean eta atzean sarritan ostendu egiten diren kontuak azalera ekarri nahi izan ditu Montoiak. Nire belaunaldiko askok oso hur bizi izan dugu liburuko istorioa. Lagun eta ezagun askori gertatu zaizkio antzerakoak. Balio dezala fikzioak horrelakorik berriro ere ez gertatzeko».
Azken afaria, Igor Elordui, Aizu!, 2014-04-00
«Autoreak giro itogarri eta ia jasanezinean murgiltzen du irakurlea, kapitulua amaitzeko gogo bizia eraginez berarengan, protagonistak euren sufrikarioa bukatzeko irrikan dauden bezalaxe: protagonistaren bakarrizketa isil, trinko eta ilunak lortzen du helburua».