Herri lehensortua

Hegoaldeko herri lehensortura

aldatu nintzen eta aurkitu nituen, biluzik eta pobreturik,

eta gerriraino itsasoraturik,

hiria eta gotorlekua.

Hautsak lotara eramanda

nentzan argitan,

eta goitik, zuhaitz eskeleto bat nuen zintzilik,

gatz ionikoz estalirik.

Ez zetorren loaldirik handik.

Han ez da erromerorik loratzen,

txoriek ez dituzte iturrian

kantuak berritzen.

Hegoaldeko herri lehensortuan

nigana egin zuen jauzi sugegorriak,

eta argipean, izularria.

O, itxi begiak,

itxi!

Estutu ahoa hozkaren kontra!

Eta neure burua edan nuenean

eta herri lehensortua

lurrikarek astindu zutenean,

esnatu eta begira jarri nintzen.

Bizitza etorri zitzaidan.

Han harria ez dago hilda.

Ziztuan ateratzen da metxa,

begiratu batek pizten duenean.