Diptikoa

        Gauaren lekuneak         haizez hanpusturik zeuden

        edo         eurijasen harrabotsez

        edo         ur ugarien zalapartez

        edo         trumoi hotsez

        gauaren lekuneak         desmemoriaren lurretan

                barneratzeko errepidez

                beterik zeuden

        gauaren lekuneak         lehorte handietan

        ez         ur zaratarik

        ez         haize burrunbarik

        ez         murmuriorik

        ez         erezaren etsipenez beterik daude

        gauaren lekuneak         egunaren polizia zakurrek

                inbaditu dituzte

        eta         hainbeste pazientziaz

                bildutako desoroitzapen metak

                haginka xehatu dituzte

  harrezkero

gauaren zabala zakurren zaunka errabiatuez beterik dago.

w1973