Amodio

1

                  Eskuaz igurtzi ninduzun.

                  Izan zinena naiz, harrezkero.

2

                  Ibai-urek murmurio jolastaria,

                  Brinko eta jauzi itsasora bidean.

                  Amodio joanak axolarik ez.

                  Amodio berriak lotsarik ez.

3

Sokrate:

Gure bizitzan bada une bat non gure zain-hezurrak pisuagoak egiten baitira; orduan espazioa zabaldu, denbora laburtu eta arnasa ere nekez hartzen da.

Altzibiades:

Nekea ote?

Sokrate:

Amodioaren bezpera.

                4

Maitatzeari uko egin diona

Itzal da bihurtzen.

Gorputzik ez duela,

Ispilua salatari.

                5

Hiltzeko eta bizitzeko

Modu bat baino gehiagorik bada.

Maitasuna hil duenak

Ez du beste heriotzen beharrik;

Ezta biziberritzerik merezi ere.

w1997