Jaungoiko-billa nabillalako

barre dagista jenteak.

Zorotzat naukee gerizpe-zaleek,

maite bai dodaz bideak.

—«Gelditu adi, esaten deuste,

laga egizak nekeak;

ames billoixi eta utsal dituk

ire geroko-usteak»—.

Baiña aurrerantza noa bidari

geiago-zidor legorrez.

Nire arima ezin da bete

zear-ertzeko zugaitz-pez.

Eguna oso aldakorra da,

bizitza, zertan esan ez.

«Aragorako egiña zara»

diñost, arimak, yoranez.

Lilluratua deitu naiela.

Gelditu beitez pozarren.

Argia jatan uste bat daukat

bular-buruak betetzen.

Aurrez aurrera jarraituko dot

bizitza au fedez alaitzen.

Artean, zenbat ukatu bear...

biotzak zenbait min arren!

Eldukerako poza amestuaz

—mundutarren barregarri—,

beeko atsegin-ortu ertz-bide

legorrez gora noa ni.

w1961