BERRIZ ESAN
1
Bular biluzia nahi dut
eta sabelpea laztanduko didan eskua.
Amodiok plazer esan nahi du
nahiz gehienetan den gupida.
Ez dut ikusten,
ezin da edan.
Ahotik baino ahoa nahi dut,
egia baino larrua.
2
Sentitzen duzuna hotza da
eta ebakitzen duena labana.
Nire barruen luzapenak
zure ilea laztantzen du.
Damu hitzak ahoskatzen ditut:
maitasuna esan nahi dute.
3
Zin urratuak zauria
izua ez da zolia
larruan egin larruan bizi
zer besterik da egia.
© Jon Benito