Heautontimoroumenos

                                        («Oñetako lur au jabilt ikara

                                          Lau aragiok berean berala...»).

Noraezean abiatzen naiz,

ene mugetatik urrun.

Ziur aski, inpernuetan barrena.

Ilunpetako huntzen izu

uretaratzen naiz,

itsas gizonek ekaitzen bezala.

Kliskarekin bat

gizondutako haur horien antzera,

uhainen so.

Haziz ubeldu da maitasuna.

Aroetako begi arazia,

batsein ilun, deabrukide

bilakatu delako

abiatzen naiz noraezean.

Eta ez dut zama astunik nahi.

Orain, herri oro zuti bitez,

eta bertze jauretxe bat asma.