5

Atxeki zakizkio tinko bideari

eta eskuak ere atxeki

brisarazko filigrana den

bolante horri

ez dugu promes zurbil gehiagorik jasoko

semaforo gorrien artetik

ez dugu malko gehiagorik idortuko

autobus geltokietako bakartasunean

Eta kontuz arretaz my friend ez ezazu uste

tulipanezko soroak

zoriaren gurpila direnik

ezta ere artaziek moztuko dutenik

gure oroimenean izozturiko

aintzinako irudirik

Eta ez ezazu argitik edan

gauari zeure lepo gainean eutsi arte

halaxe egin zuen poeta eroak

ispilu hautsiaren papurretan itzarritakoan

Baina zergatik batek daki

ez niri galdetu amigo

zioen estetak eta nik no comment shut up

Humphrey Bogarten zigarroa eta horrela ba