Munduko tokirik ederrena
Munduko tokirik ederrena
2018, narrazioak
160 orrialde
978-84-17051-21-1
azaleko argazkia: Raymond Depardon (zatia)
Iņigo Aranbarri
1963, Azkoitia
 
2014, nobela
2011, nobela
2008, nobela
2006, saiakera
2000, poesia
1998, poesia
1997, kronika
1994, nobela
1989, poesia
1986, poesia
Munduko tokirik ederrena
2018, narrazioak
160 orrialde
978-84-17051-21-1
aurkibidea
 
Munduko tokirik ederrena
Iņigo Aranbarri, 2018

Nola bizi atzoko guztiak hainbesteko pisua badu. Horra Iņigo Aranbarrik hamar ipuinotan dakarren galdera. Errepidean hildakoen bitartez bailararen istorioa kontatu nahi duen jonki ohia, ezkontza baten lurrunetan dabilen poliziaren gogoetak, lagunaren emazte alargunari etxea hustera doakion hirukotea, amaren ordez herrira itzuli den gaztea, eredu izango den modeloaren bestaldea, galdutako pistola baten ibilerak, kondenatua hiltzen ikusita betiko mututu den emakumea… Ezinarekin borrokan, adiskidantzaren ertzen eta sentimendu primarioen artean dabiltza Aranbarriren aurreneko ipuin liburuko pertsonaiak erantzunaren bila.

      Kontu kitatze bat desagertzen ari den mundu batekin, hura ederretsi gabe. “Ez dun nostalgia, garai hura ez zunan hobea”, dio pertsonaietako batek. Lehengo mundu hori oraingoarekin gainjarrita ageri da ipuinotan, giza flysch basa batean bezala.

      Atzorik gabe ulertzerik ez dagoen oraina, hamar kontakizun fikziozkotan.

audioak:
“Irakurrieran”, Bizkaia Irratia, Leire Palacios (2018-11-24)
bideoak:
Artefaktua (2019-03-15)
Hitzen Uberan (2018-11-14)
Hitzen Uberan (2018-11-14)
Hitzen Uberan (2018-11-14)
Hitzen Uberan (2018-11-14)
Hitzen Uberan (2018-11-14)
kritikak:
Gertutasuna eta kondentsazioa, Gorka Bereziartua, argia.eus, 2018-11-29
«Kondentsazioa da Aranbarriren azken liburuko ipuin askoren lorpenik handienetako bat, nola iradokitzen duen mundu bat, bere harremanetan korapilatuta dagoena, oinordetzan hartutako zamekin, esan gabe ulertzen diren gauzekin».
Iraganaren zama, Javier Rojo, El Diario Vasco, 2018-12-22
«Zer kontatzen duen interesgarria da, baina nola kontatzen duen ikusita liburu hau irakurtzea esperientzia estetikoa ere bada».
Oroimenaren elipsietan barna, Hasier Rekondo, Deia, 2019-02-02
«Munduko tokirik ederrena honetan Aranbarrik hobekien egokitzen zaion narrazio moldea aurkitu duelakoan nago. Berandu bada ere, inoiz ez da berandu literaturak kalitatea eta sakontasuna uztartzen dituenean».
Dena da iragana orain, Peru Iparragirre, Berria, 2019-02-10
«Iraganaren eta orainaren arteko geure baitako lotura bakarra dira oroitzapenak, eta haietatik mintzo dira pertsonaietako asko. Lehen pertsonan kontatzen dute beren historia, orainaldia azaldu nahian, baina, orobat, iraganaren bidez zuritu nahian».
Geldiezinezko denbora, Iratxe Esparza, Gara, 2019-02-23
«Liburuan ezinbestekoak dira aztarna-materialak, narrazioetan azaleratzen den memoriak, xehetasunen bitartez eta oharkabeko berezitasunetik abiatuz, pertsonaien istorio-zatiak eguneratzen baititu».
Hildakoen ahots hilezkorra, Mikel Asurmendi, argia.eus, 2019-04-05
«Memoria gero eta ahituagoa, gibelatuago, haatik, eskerrik asko Iņigo Aranbarriri. Ibai ondoko jende hilaren ironia hilezkorra helarazi digulako, ironia betierekoa? Istorioak nolako berbak halako».
Munduko tokirik ederrena, Txema Arinas, uberan.eus, 2019-07-05
«Ez nituen aspaldi hain ipuin ederrak, xamurrak, iradokorrak, hunkigarriak, paregabekoak irakurtzen. Jakin badakigu denok ez dagoela ezer benetan bikaina, betiere zer edo zer errepara diezaiokegula orori».
Munduko tokirik ederrena, Hektor Rodriguez, Begitu, 2019-11-00
«Ipuin bakoitza irakurtzen hasterakoan “galduta” egotearen sentsazio atsegina sentidu izan dut, baina Iņigok zer kontatuko digun eta istorioa nondik joango den jakin ezinak, irakurketagaz jarraitu arazi egin dit atal guztietan, gelditu ezinik».