Ghettoko gizona

Berriro hitz egitera ausartu zen gizona.

Herria hutsik zegoen igande goizeko 10etan.

Eta lagunarekin topo egin dut, duela zenbait urte ezagutu

nuen laguna. Harrezkero ez nuen inoiz ikusi. Oztoporik gabe

hitz egin dugu gettho barnean debekatuak dauden gauzetaz.

Mundua igande arratsaldeko 4,30etan geldituko balitz,

supituki, ze absurdoa.

Zerbait irakiten ari da giro honetan

ala zerbait itotzen ari da

ala zerbait jaiotzen

marrumak, antsiak, txilioak, zarata itoa

hitzerdiak, hitzmakalak, hilotzak.

Debekua hautsi, zoramenaren zirkuluan

sartu eta distantzia guztiak hautsiz (iraganez)

nahasmendu lotsagabe batera iritsi.

Hitz berriak asmatu, ohizko mintzairaren trabak

moldeak, tolesdurak..., hitz egiten berriro hasi. Ze pisu

ikaragarria hartu duen eguneroko hitzak, lantegietako

sistema hertsian erabiltzera beharturik gauden hitzarrak,

marmolhitzak, bagoihitzak, apohitzak.

Etsi, amore eman.

w1975