Poesia kaiera
Poesia kaiera
2001, poesia
64 orrialde
84-95511-29-0
Jon Mirande
1925, Paris
1972, Paris
 
 

Otso

 

Bortz izar gori ortze-goian

Eta basoan ez argirik

Aztiak dagoz ikaratan

Aztiaturik ikur hori

 

Izar gorion pentagraman

Lo-hasman dautza bertz' izarrak

Baso-gerizan atzar dira

Otsoak eta gizotsoak

 

Oihan-bidean ergelen bat

Oihuz dihoa berantean

Gizon soilari so zitaizkon

otso isilak giza-begiz

 

Otso ar eta eme latzak

Giza-blasfema bihotzean

Gauazko bide-joilearen

Aiduru ziran geldituak

 

Oihan beltzeko bidesketan

Ezin helduan zihoala

Esku eiharrez zuhain hilek

Bahitu dute galtzerako

 

Bortz oihuk eta bortz ausikik

Gizeraiteka egin dute

Bainan ortze-goi beltzagoan

izar goriak itzal dira

 

w1953