Poesia kaiera
Poesia kaiera
2000, poesia
64 orrialde
84-95511-10-X
Xabier Lizardi
1896, Zarautz
1933, Tolosa
 
2021, poesia
 

II

SAGAR-LORE

 

Loreil bete

 

Anitz egunez, ez gera alaitu

lurtarrok. Goien sar egin baitu

Euri-k Eguzki giltzapean;

yaun orail eder, legorteen aita,

katez loturik egona baita

odei bustien sabelean.

 

Gaur, orra agiri, tarteka, urdiña... 

Sor zait barruan larrera-miña;

ta, aspaldi ez-ta, mendialdi.

Bete ditzadan argiz begiok,

eten zain-giar lotuegiok;

bularra asetuz noan geldi.

 

Badut zalantza zein giro izaki;

otzaren âla danentz ebaki;

ikus ezpaitut Udaberri...

Baña, bat-batez, gain bêra, maldan,

moltso zuri bat... Elur ez al dan,

loreak ote?... âl igerri!

 

Ari beltz oker nâsi sareak

eundaka atzitu ditu... loreak?

elur-malutak?, mitxeletak?...

Itxon: txori bat, zear, egaka

dabil, kabigai-lorrez, esaka:

— Gaur dira gure maite-bestak!

 

Sagasti berri, sagasti zuri,

inguma-atsegintokia iduri,

elurte arian geldia!

Ezin urtuzko txingor ugari,

azpi gizenean duk nabari

zelai-bitxizko loredia...

 

Zertan udalên dan igertzeko

begi bear diot bidertzeko

pago pertxenta gazteari,

ta ikus orbelez dan erantzia

ta apaingarri berriez yantzia,

baso zabalen aitzindari?

 

Zertan bear dut yakin Itzala,

pagadiaren ume yaukala,

neska-kozkortzen ari al dan?...

Kilker olerkari arloteak

neurtitz ozenak ditun boteak

lurrezko yauregi-atean?...

 

Bego tximirriten egaketa;

beude marrubi loreak, eta

irusta salla ere bego:

dantzari talde Bakotiarrak,

nâspil zoroan zuti-baldarrak,

esku goituan ontzia ardo...

 

Ene begiok, ez so besteri:

bidertz onetan nadin eseri,

iri begira, sagastia...

Sagasti gazte, sagasti zuri,

inguma-atsegintokia iduri,

elurte arian geldia!

 

Txuriaz nâsi, pipil gurien,

lêrgabe lore zabal-zorien

gorrixka, nabari duk sarri,

odol tantoak antzo... Begira:

erditze baten aztarnak dira:

Bizi-erditze zoragarri!

 

Ibil, txoriok, ta kanta alaiki.

Negu agurea illa da, baiki,

lurra soil baitago elurrez:

oro dezaken esku naroak

erein baititu zuaitz-soroak

ogi berriaren apurrez...

 

Bekik iretzat oiu alai au,

sagasti, iretzat; bereizki bai-au

yaiez yantzi zorna berriak!

Bizitza duk agiri garretan...

Bizitza, lêr-berri, adarretan...

Igan dik sort-ogea Udaberriak!

 

Musika: Antton Valverde