Zauriak zabalik bizi gara.

Negar zorian. Ezer ez dela betirako jabetu ezin.

Egiazki zer desio dugun jakin gabe. Utzikeriaz.

Auzoak zer erranen duen beldurrez.

Maila emango ote dugun kezkatuak.

           Zauriak zabalik bizi gara.

Hatsa arriskatzen dugu itxurak zaintzen saiatuz.

Oihu zakarra hortz artean abandonuaren bidean.

Ordezkapena porrota da

Ez baita zendu batekin lehiatzen ahal:

Isiltasunak hiltzen du.

           Zauriak zabalik bizi gara

Eta gantzuak

Berdinduko ditu

           Ebaki idorrak.