Poesia kaiera
Poesia kaiera
Maria Merce Marçal
itzulpena: Itxaro Borda
2014, poesia
64 orrialde
978-84-92468-53-9
Maria Merce Marçal
1952-1998
 
 

 

 

Car si près que tu sois l’air circule entre nous.

M. Desbordes-Valmore

 

Huntzosto,

                  martxoko garaipen,

                                                 ahizpa

Arrotza, bat-batean hor zarena:

nire mugak odoleraino bulkatzen

dituen zure hizkuntza barbaro

Eta bortitza nola asmatu, iheserako

hankarik ere uzten ez didan erronka!

Zein begi eta eskuk —ez nireek—

jakingo dute zure ikusten, ukimen soilaz,

edertasun haragitua bezala, nire sabelean

galderarik gabe zabaldua?

Soilik, desira, gorputza barruan,

zure balizko belarriak ez ditzaket uka

ahotsa ehizatzen zizutenean hosto

gorakoien murmurioaren itzala

zinenean, oihanaren bestaldeko ke seinalea,

atabal soinua, irekia, urruna, zure mezuaren

alfabeto berdea idazten nuen

moko zuridun urtxoz, presazko era, , e, ntzunik

eskatzen ez zuen poema bizia,

dakidala ez dakidan orain honen antzera.

Hala eta guztiz garaipena deitzen zaitut

martxoko huntzosto, ahizpa, arrotza.