1

Aitona zar bat suplikatu zait

guztiz modu egokiyan

bertso batzuek onak ipintzen

ia bai al nerokiyan;

ikusi orduko igarri niyon

etzebillela tranpiyan,

arren lastima zabalduko det

euskera dagon graziyan.

              2

Aitona orrek klaro esan dit

gizon prestuaren gisa,

orain galdu dan bafori ortaz

kantak jarri al banitza,

dolorez azitako seme bat

nola ito zaion aisa;

gixagaxuaz urrikalduta

baietz eman diyot itza.

              3

Modu ortako deskalabrorik

legorrian da bustiyan

etzait gôatzen gertatu danik

nere denbora guztiyan;

pasadizu au nai arren zail da

adierazten itz biyan:

amaika amaren seme sartu da

itsasuaren azpiyan!

              4

Kartzela zarren onduan dago

Donostiya'ko kuartela,

izenez ezin separatu det

andik urrengo otela;

len esan dedan aitona zar au

etzan jeniyoz motela,

emaztia ta biyak an zeuden

negarra zeriyotela.

              5

Kristo zerura iyo zanetik

oraiñdaño bitartian

orrelakorik ezta gertatu

Españia'ko partian;

milla zortzireun larogei eta

amairugarren urtian

gure bafore Reina Regente

ezkutatu da ur-pian.

[1895]