Oraindik

Lokni

Oraindik egongo da

besteen tesiak

bere tesi bihurtuko dituenik,

eta besteen

orijinaltasun eta bakantasun

sentipenak

bere egingo dituenik.

Oraindik egongo da

idazten duenari

edo ulertzen ez dituen hitzak esaten

dizkionari

flipau deitu

eta gero bere kamisetan

lehenagoko beste flipau-ren baten

hitzak

eramango dituenik.

Oraindik egongo da

asteburuetan inertziaz edango duenik

eta legalitate-tik kanpo dauden

baina bere ingurunean onarpen legala duten

drogak

kontsumituko dituenik;

baina eta egongo da, baita,

bere ingurunean hain onarpen legala ez

duten drogak

kontsumituko dituenari

yonki deituko dionik.

Oraindik egongo da

bere pentsakeraren (instalatu diotenaren)

berdina ez duena

hil ala biziko etsaitzat izango duenik.

Oraindik egongo da

dudari beldur izango dionik.

Oraindik egongo da

askatasunaren izenean

askatasuna lapurtuko duenik.

Oraindik egongo da

sexua 14 pulgadako emozio bat bezela

biziko duenik,

eta bere bizitzako lau urtetako lana lapurtuko dion

lau erruberetako burni zati mekaniko bat edukitzea

amestuko duenik.

Oraindik egongo da

zapaltzen duen dirua bera

gurtu eta defendituko duenik,

eta berez existitzen ez diren

baina bere bizitzaren norabidea

obsesioz markatuko dioten

harrakasta eta porrota kontzeptuak

asimilatu eta pertsonifikatuko dituenik.

Eta oraindik egongo da,

zergatia jakin barik,

goizero erdi hutsik

eta frakasatu sentsazioz jeikiko denik.