Gaur

Ur

Gaur leihoak irekiko ditut.

                Eta haizea sartuko da,

                humel,

                usteltzen hasiak ziren barrunbeetara.

            Kalean losak errespetuz,

            baina gosez zapalduko ditut.

      Lagunen begietara zuzenduko ditut nireak,

      eta grisa ezabatuko da eta

      berdea gailendu.

Gaur belarrekin etzango naiz,

eta ipuinak xuxurlatuko dizkidate

umetokira.

Gaur nebari musu emango diot bekokian

eta haurrek irribarre egingo didate

euren errepublikatik.

Gaur hormetan itsatsirik ditudan

lagunekin hitz egingo dut,

eta fantasmak armairuan

geldituko dira,

kokoharrarekin batera,

erbestean.