Lokni

Koloreek txoko zuria

        konkistatu behar dutenean

txoko zuria defendatu egiten da

        bere indar guztiarekin

baina koloreak asko dira

eta zuriak ezin du konkista eragotzi

pixka bat atzeratu bakarrik

koloreak zuriaren gainera doaz

konkista burutzear dago

        azken unea gainean da

orduan

        zuria

                bere azkenaz jabeturik

beltz bihurtzen da

koloreek konkista ez dezaten