Ordubatak hogei gitxiau emoteko

Mr. Yellow

«ez nagoen edozein lekutan,

zoriontsu izango nintzatekeela iruditzen zait»

Paul Auster

12:38 am

irakurri nuen nonbaiten

jendez beterik zen kalea

eurijasak hauen abiadura arintzen zuen bitartean

ni

astiro nindoan

aterki gabe

aterpe gabe

hala ere

inork ez zidan begiratzen

beharbada ez negoen

beharbada ez nintzen

bizirik nengoela ohartzeko

hil beharra nuen

hitzordua nuen herio doktorearekin

egia esan

aspalditik

bere kontsultaren itxarongelan

nengoen

gizon eta emakume goibelekin

begiradak gurutzatzen

ibiltzea

kale ilun haietan ibiltzea

nire buruaz beste ez egiteko aitzakia

besterik ez zen

pausuak ematea

pausu hau ez ematea zen

banekien

ibiltzeari uztean

nire bidaia bukatutzat emango nuela

banekien

geldituaz gero

herio doktorearen

beltzez jantziriko erizainak

nire izen abizenak esan

eta nire patrikako arma hotza

estreinatuko nuela

banekien...

eta berriz ere

hainbat alditan bezala

euripean

nire zapatillaren sokak

gaizki lotu nituela

konturatu nintzen