Koloreak matxinatu zirenekoa

Lokni

Koloreak matxinatu ziren egun hartan konturatu nintzen.

Itsasoa gorritu egin zen.

Altxatu nintzenean hormak beltzak ziren,

eta belarra urdina.

Aurpegi berdearekin gora begiratu nuenean,

ohartu nintzen zerua more kolorekoa zela.

Hondarra arrosa zen,

eta haitzak berriz horiak.

Papela marroia

eta tinta zuria.

Sua grisa bihurtu zen.

Eta gaur egun, lurra laranja kolorekoa da.

Orduan konturatu nintzen

eta orbainetatik kolorerik gabeko odola

isurtzen dudan hauetan ere

konturatzen naiz,

zure begiak

iadanik,

ez zaizkiola hainbeste gustatzen.