O bosque

¿Qué che importan as horas?

O son das túas campás

caeuse lonxe no camiño.

Ti vas con un saco de sombras

ó lombo.

As veces o brillo do machado arrepíate.

Fitan pra ti os paxaros grandes

que traen a noite.

Bule, hule,

a noite está aínda enriba.

Non fales en voz alta,

non cantes ningunha canción.

Ninguén te acompaña.

Dentro de pouco estarás perdido

entre as sombras iguales.

Cada árbol coa súa sombra.

Didiante da túa casa hai un árbol

amigo e solitario.

Mais iste é un bosque

de repetidas sombras verticales.

Xa non ves as túas maos.

A túa casa está cerquiña e lonxe.

(Sombra do Aire na Herba. 1959)