Deo Ignoto

Krutwig'tarr F.K.

Zu zara gizonentzat ez jakina

        Bilhatzen bai-tzaitute lekhoretan.

        Bainan bide haur bethi da ezina

Zuk Dena bai-tuzu gure barnetan.

Barnean daukatenak zure mina

      Ba dagoz Zu zaren Egiatan

      Zugandiko txinparta munduetan

Gutzat bai-ta Zuk emandako zina.

Zu zara Dena, oro bai-taukazu.

        Eztuzu ezer ere egiten nehon,

              Mâyân ezer ere ezpai liteke egon.

Izateak Zugan daramazkizu;

      Zu zara gure Zori ta Siratsak,

      Gu gara Zure janzkiaren litsak.

Gernika, 17. zkia, 1951ko urri-abendua, 13. orr.

© Federiko Krutwig