UHERTSI

Uhertsik hastapena Urdazurinbi,

Ehun xirripek dute bidean berratzen.

Ainhoa, Sara, eta Helbarren joria

Baliatzen dutenak haren ixuria;

Bere ohea segi deskantsu da jausten,

Ez diola biderik griñari ematen;

Erraietan dakharke arraina ausarki,

Inguru errepirak ferdatzen ederki.

Jotzearekin Askain Uhertsik zubian,

Bertze bat iduri du bere arraizian:

Han hasten da birungan, lorian bezala,

Luzeki gozatzeko Askaingo hegala.

Ageri du arraina, itzuli denetan,

Izarra bezen husu zeru garbietan:

Benedikatzeko du herriak Jainkoa,

Eginik izokina han bezalakoa.