Eder abaildu zen hitza
Eder abaildu zen hitza
zure ezpainetatik,
kultur premiarik gabeko,
musu truk.
Ez nuen hitz hura espero,
ez nekien hitz hura
nahi nuenik ere,
babes epel hura behar.
Dena neukalako uste ziurra
dardaratu eta suntsitu zuen,
eta bide berriak zabaldu
ezinegonaren lurralde ustez ahantzietan.
Baina ez nuen jakin zer egin
hitz eder abailduarekin,
eta nire barren hautsietan
ez zen inorentzako hitz osorik geratzen. |
© Juan Luis Zabala