Emaidazu amets bat eta birrinduko dut

Emaidazu amets bat eta birrinduko dut,

gogotik birrindu ere,

xede zehatzik gabe, denborapasa.

Hitzez erdara daitezke guztiak,

eta egunkarietan argitaratu,

ezkerreko nahiz eskuineko.

Emaidazu bihotz bat,

heze eta gorri, pilpira bizian,

eta hezur huts bihurtuko dut.

Zurbil eta lehor jaso ohi ditut,

sakelan gorderik etxeratu

eta gaumahaian gordetzeko

gomazko dortokekin batera.

Ez iezadazu ezer eman

eta sendatuko naiz,

neure kasa hautsita.