Ur goiena

ur barrena

jaundonejoaneko

akelarre itxurako illargiaren iturri,

etxe honetan sar dadiela

urarekin osasuna

urarekin osasuna

etxe honetan askatasuna.

Urak sua hil eta

suak ura,

biak biziaren azi

biak bizigarri.

Ur kantari

su dantzari,

biek atxiki behar elkarri.

Ur goiena

ur barrena

nik sua estali

bortan bedi arri

           bedi zur

           bedi ur

bainan nik sua estali

uraren gainetik

uraren azpitik

uraren barrenetik.

Suzko iturri

bizibidezko ur

jaundonejoaneko

akelarre itxurako

otoiz bizigarri.