—1887 Azkaine—

Mihizlariak

Gratien Adema "Olharrepe"

Airea: Nere ikhazketako...

            1

Gure herri xumetan

Zenbat hitzuntzi!

Zinez nola jostetan,

Oro erasi,

Gezur nahasi,

Erne daude nor zertan

Hobendun kausi,

Nori phitz hautsi,

Ez nahiz deus bertzetan (bis)

Onik ikusi (bis).

            2

Beren hutsak utzirik,

Khexu bertzenez,

Mihiak xorrotxirik,

Daude auhenez,

Denen hobenez,

Nihor ez da garbirik

Hoien erranez,

Kanpoz ez barnez,

Zenbat hoik ausikirik (bis)

Dagozin minez! (bis)

            3

Izan dadin egia

Edo gezurra,

Bethi hoien mihia

Doha itsura

Hauts edo urra:

Den mendren iduria,

Edo itxura

Zaie segura

Hain da hoien loria (bis)

Bertzen malura. (bis)

            4

Gabaz Akhelarretik

Mainguka jinak,

Hasten dire goizetik

Gure sorginak,

Moko saminak,

Sist handik, sast hemendik,

Zer listafinak,

Laphar, ausinak!

Sendatzea luze dik (bis)

Hek egin minak. (bis)

            5

Mihiak du erraten

Zer den barnea,

Bihotza zenbat daiten

Gerla gosea,

Ezin asea:

Hauzo eta ahaiden

Makhurtzailea,

Zer ezkabea!

Jainkoaren ez jenden (bis)

Beldur gabea. (bis)

            6

Holakorik ez bedi

Gure artean

Agertzerat atrebi,

Edo lurpean...

Suntsi beite han.

Girixtinoak bethi

Jainko legean

Eta bakean

Bizi gaiten maiteki (bis)

Batasunean. (bis)