Ihesi
Ihesi
1986, poesia
80 orrialde
84-398-8697-7
Txema Garcia-Viana
1963, Donostia
 
2001, nobela
 

 

Pareta

 

Pareta hori, gure pareta duk.

Luze, oker eta zikina

gure desio lizunen oihal zabala,

«haruntzago» baten muga zorrotza.

Haren magalean Pablok amodioa egin

                                ikustezinezko musa batekin,

eta txikitan idiarena jotzen genian

                                amaigabeko paperezko orgasmotan.

Gure gogoak marraztutako hamaika

                                        burutazioz

                                        nazkaz

                                        pozez

                josirik adrilu beltzak,

amapuntako babestaile hi,

gure malkoez indartu eta luzatutako

                                            sustraiek

gogor eusten ziotek.

 

Pareta hori, gure pareta duk...