Egutegi esperimentala
Egutegi esperimentala
1986, poesia
96 orrialde
84-398-5463-X
azala: Kaekus
Edorta Jimenez
1953, Mundaka
 
2010, poesia
2006, kronika
2003, nobela
2003, saiakera
2001, poesia
1993, nobela
1991, nobela
1990, ipuinak
1987, poesia
1986, poesia
1985, poesia
 

 

Ludwig Van Beethoven entzuten

bederatzigarrena

 

 

lehen mogimendua

 

hondoraketa orduko une larrian

belarriak gorturik

neure eskuak luzatzen dizkizuet

azkenengoz

laberinto zoro honetan

esperantza apurren bat

izan dezazuen

 

 

bigarren mogimendua

 

baso erdian

ekia nola urtzen zen

ikusi nuen

Berunezko ibai ilunek

ludiazala estalita

kristalezko hegazti gardenak

abiatu ziren

ortzian barna;

hegoetan zerizkien eskatez

osoturiko euria

ari zuen

ilargiaren ipur masaila biluzia

—artizarraren atoian—

izerdi tanta distirakorrez

inguratu arte

 

 

hirugarren mugimendua

 

        —I—

Zuhaitz lerdenak,

ibai gardenak;

norenak ote zeuok?

denborarenak.

 

        —II—

Bazoaz arin;

horrexek dit min.

Geureak ere ziur

laster behar egin.

 

        —III—

Itsaso zimel;

eguzki epel.

Giza bakardadetik

hutsari: hel! hel!

 

 

laugarren mogimendua

 

        —I—

Isildurik ahotsak.

Odolik ez bihotzak.

Lortua ote du garaipena,

azkenik, heriotzak?

 

        —II—

Loreak du arantza,

haizeak be zalantza.

Etsipen karraixiz mintzatzen da

berriro esperantza.

 

        —III—

Isurtzen den odolak

eratzen ditu uxolak.

Fruitu berririk emanen ote

aintzinako arbolak?

 

 

azkena

 

Enara itsuak be urtero

gure zoko bazterretan;

gu, ostera, kateotan,

askatzeko, zer espero'?