Gaur, urriak hogeitamaika,

hamaika bider madarikatutako azaroak bataren bezpera,

bezpera guztietako tristuraz

tristura egun ofizialetako poza gomutatzean

gomutatu egiten ditut, halaber, hilak;

hilok gogoan bihar, etzi, etzidamu,

damu izango duzuelako zeuon bizitza;

bizitza honetan, bakarrean, difuntuagoak

difuntuak heurak baino zaretelako gaur;

gaur, Urriak hogeitamaika,

hamaika bider madarikatutako azaroak balaren bezpera.