Babiecaren hotzikarak
Babiecaren hotzikarak
1986, poesia
80 orrialde
84-398-5730-6
Joseba Alkalde
1955, Lekeitio
 
Babiecaren hotzikarak
1986, poesia
80 orrialde
84-398-5730-6
aurkibidea
 

 

—31—

 

beroa...

adats grinak larrean, sakabanatuak, zuhaitzetan,

konorterazten gaitun ke hertsiak

marmorezko eklipse bakarraren biztanle egin gaitu,

lur hotza lekuko bakar, hobi, deabru...

eta bertsu militante batzuk, zorion usaia ekarriz,

ene deihadarrek ez dutela arrakastarik izanen jakin dut,

eguzkizpi ispilu ilunean fulminante zeharka arren,

Venusko gau ganibetak

                          panpinak haurtzaroan

                                    eta gaztaroan... direla erranaz

herriarengandik urrun

ospezia eta arrakasta ukangaitzak zaizkie izanen, badakit.

 

medium ororengandik egigaitz den egia irmoki azaltzen denean

plajiotzat joten dut nazkagarrienetarikoa

eta gauerdiko ordubietan, loak erretzen,

kondenatuak gara pena hau irenstera

emakume bularrez osatua dagoen erlojuan;

dakusadanak ikusiz

pentsamolde guztien zikloaren bukaeran

partikulen eraldakuntza, ziki eroan,

eta gizon ziztrinen larrudendetako txatxamurka usaia berdin zaienei

helduko zaie Giokondaren irria gau hontan eta ez eni.

eta emeki

      emeki ireki

                ireki zaitez

                ireki zaitez niretzat

                ireki zaitez niretzat larruz

                ireki zaitez niretzat larruz orain

                ireki zaitez niretzat larruz orain emeki

 

preserbagailu hautsiz josita irudimena

zein lizuna zaran frogerazi didazu

kantauriar itsasoko leize ezin ikusiak bezain bezain zurbil

eta horma horietan haizkora ankerrak zirrizka nazkar batekin

uzten duen zirrikitu bakarrarenjabe baino ez gara saritzat.

 

beroa...

nahi eta ez

bero ero erori arte

nahi eta ez:

arruntkeria dagokit,

eta gudari kantak ugari

ze zemai! eta ze lazapen!

Ai Presen, topikoa, standard eta orakaitza

hi haunat birao jaurtikitzaile,

agonia zorian autopista gris ibili guztiak

bahituran jarri,

zibiztoa eman

eta berriro eta berriro amets jaurtikitzaile-lez

ausartge-lez agertzen zarana haunat

eta haunat hodei sabaian zazpiretan

                                        hamarretan

                                        hamaiketan

                                            gauerdiz

bat baino anitz gehiago haunat

Presen Monkadakoa,

ene garraixi arrakasta berotan

eta ez hain...