Babiekaren hotzikarak
Babiekaren hotzikarak
1986, poesia
80 orrialde
84-398-5730-6
Joseba Alkalde
1955, Lekeitio
 
 

 

—4—

 

hizkuntza

primitibo

hontan idazteak dakarren dardara

dela eta

            nire

                  gelako

                            liburuek

                                        osatzen

                                                    duten

                                                              poema

                                                                        horizontalari

            begira

                      nagoelarik

                                      ene

                                            gelako

                                                      liburuek

                                                                  osatzen

            duten poema

                                horizontalari

                                                    begiratzen

                                                                      diot

 

arrats euritsuetan

kafetegietan ostutako kortadiloekin

gozotuz

autobusetan marrubiak jaten dituzten bitartean

neskato Whinstondunei

pausatzen zaien emoziyoa

ez ote den

eguzkiaren uda izpi horixkek bainatutako

ganbara hartan, hiri

amonaren azpikogonarekin, aitonaren sonbreroarekin

disfrazatzen hintzen bitartean

argazkiak eta argazkiak kaskadan ateratzeak

sorerazten zidanaren

tankerakoa; ez ote diren

hibai berdinaren afluenteak,

hire bihotz urrutiarraren deltan isurtzen den hibaiarenak.