Ez sinkronia
Ez sinkronia
1985, poesia
112 orrialde
84-398-3093-9
Gorka Setien
1958, Barcelona
 
1983, poesia
 

 

poema bat idatzi behar nuela...

    eta hara

etxeko terrazan

        euria.

 

  zurrumurru elektronikoa ote?

 

  gaur ez da

          historia ikaragarriak kontatzeko gaua,

    ume bioelektroniko palkolore

  hogeitalau kanaldun stereoaz erdi izatekoa akaso,

              ez dakit nola esan.

    eta hor kanpoan etxeko terrazan euria debalde.

 

        gaur gauean amoreak bere zirkunstantzia balio du

        osea ez dago maiteñorik maindire anean.

 

        gaur ez dago

        moztuak izan daitezke lepo odoltsuetaz mintzatzerik,

          eske ez baitu inportik gainera

                zertarako trajediak

                xenxible jarri eta kanpoan

              euria bertsotan ari bada?

 

              gaur esate baterako

            ipurdi gerri okertze perfektoko neskak

            marketing erotiko eta gin-tonic mesedez.

        maitearen alua lehor

        drogaren aurkako manifestazioa eta

            hospitalak bete bete,

      desamodioaren dizdira eza begietan

      marra ustel zeharkakoa aurpegietan...

 

            eta duda izan arren,

            bizitzari beste urrats baten aukera

            eman edo ez eman pentsatzen arituta ere

            betiko posturan egingo dugu lo.

 

          gaur

                hezetasun ilunzaleko une geldietan ahoz gora

                  ikaratu gabe

                    patxara onean poesiak

                        poesiak poesiak negarrez...

 

                      poesia malkozale merkeak

                        nor izutu dezake ba?