EZ ZAKINAT

Ez zakinat

eta zaila zeukanat

honezkero ikastea.

Nahita ere ezin izango niken

eta nahi ere ez zakinat

nahi dudan, ezin dinat esan.

Zer nahi dun ba esatea,

horrelakoxea naun

eta halaxe nagon.

Nahiko niken nahi izatea

eta nahi izatean ahala

neureganatu eta ekin.

Edo hala uste dinat zinez,

nahiko nukeela, baina

nukeela esan dinat, ez dudala.

Ezin dinat nahi izan,

eta ezin sinistu nahi izanda

ahal izango nukeenik ere.

Eta horrelaxe nagon,

ez nahi bezain ondo

baina gaizki ere ez.